2016 جىلعى 18 ناۋرىز, استانا, ۇكىمەت ءۇيى
«شەتەلدەگى ديپلوماتيالىق قىزمەت پەرسونالىنىڭ ەڭبەك شارتتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 6 قاڭتارداعى
№ 23 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «شەتەلدەگى ديپلوماتيالىق قىزمەت پەرسونالىنىڭ ەڭبەك شارتتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 6 قاڭتارداعى № 23 قاۋلىسىنا (قازاقستان رەسپۋبليكاسىنىڭ ءپۇاج-ى, 2006 ج., №3, 22-قۇجات) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن شەتەلدەگى ديپلوماتيالىق قىزمەت پەرسونالىنىڭ ەڭبەك شارتتارىندا:
2-تارماق مىناداي مازمۇنداعى ءۇشىنشى بولىكپەن تولىقتىرىلسىن:
«قازاقستان رەسپۋبليكاسىنىڭ ديپلوماتيالىق قىزمەت پەرسونالىنىڭ
بىرگە باراتىن وتباسى مۇشەلەرىنىڭ قۇرامى قازاقستان رەسپۋبليكاسى سىرتقى ىستەر ءمينيسترىنىڭ (بۇدان ءارى - مينيستر) بۇيرىعىمەن جانە وسى شارتتاردىڭ 40-تارماعىنا سايكەس بەرىلەتىن ەسەپ ايىرىسۋ اتتەستاتىمەن ايقىندالادى.»;
3-تارماق مىناداي رەداكتسيادا جازىلسىن:
«3. قازاقستان رەسپۋبليكاسىنىڭ پرەزيدەنتى قازاقستان رەسپۋبليكاسىنىڭ زاڭناماسىنا سايكەس قىزمەتكە تاعايىندايتىن جانە قىزمەتتەن بوساتاتىن لاۋازىمدى ادامداردى قوسپاعاندا, شەتەلدە ديپلوماتيالىق قىزمەت پەرسونالىن قىزمەتكە تاعايىنداۋ, قىزمەتتەن بوساتۋ جانە وزگە دە لاۋازىمدىق ورىن اۋىستىرۋ ءمينيستردىڭ شەشىمدەرى نەگىزىندە » جۇزەگە اسىرىلادى.»;
4-تارماق مىناداي مازمۇنداعى ەكىنشى بولىكپەن تولىقتىرىلسىن:
«جول ءجۇرۋ بيلەتىن اۋىستىرعان نەمەسە قايتارعان كەزدە ايىپپۇلدار نەمەسە وزگە دە الىمدار, ەگەر قايتارۋ قازاقستان رەسپۋبليكاسى سىرتقى ىستەر مينيسترلىگىنىڭ (بۇدان ءارى - مينيسترلىك) حاتىنىڭ نەگىزىندە جۇرگىزىلگەن جاعدايدا, قاجەتتىلىگى بولعان كەزدە راستايتىن قۇجاتتاردى قوسا بەرە وتىرىپ, وتەلەدى.»;
5-تارماق مىناداي مازمۇنداعى ەكىنشى جانە ءۇشىنشى بولىكتەرمەن تولىقتىرىلسىن:
«جولجۇگى ديپلوماتيالىق قىزمەت پەرسونالىنان بولەك جەتكىزىلگەن جاعدايدا, جولجۇكتى جەتكىزۋ قۇنى ديپلوماتيالىق قىزمەت پەرسونالى جانە ونىڭ وتباسى مۇشەلەرى ساپار شەگەتىن كولىكتەگى جۇكتى تاسىمالداۋ تاريفتەرىنەن اسپاۋى ءتيىس.
ديپلوماتيالىق قىزمەت پەرسونالى شەتەلدەگى مەكەمەلەردەن ءىس جۇزىندە قايتىپ ورالعاننان كەيىن جولجۇكتى جىبەرۋ بويىنشا شىعىستار وتەلمەيدى.»;
11-تارماق مىناداي مازمۇنداعى ەكىنشى بولىكپەن تولىقتىرىلسىن:
«ديپلوماتيالىق قىزمەت پەرسونالى مينيسترلىكتەن قازاقستان رەسپۋبليكاسىنىڭ شەتەلدەگى مەكەمەسىنە ىسساپارعا جىبەرىلگەن كەزدە ونىڭ وتباسى مۇشەلەرى شەت مەملەكەتكە قازاقستان رەسپۋبليكاسىنان تىس مەملەكەتتەن جول جۇرگەن جاعدايدا, وتباسى مۇشەلەرىنىڭ كورسەتىلگەن جول ءجۇرۋ شىعىستارى قازاقستان رەسپۋبليكاسىنان شەت مەملەكەتكە جول ءجۇرۋ قۇنىنان اسپايتىن ناقتى شىعىستار بويىنشا وتەلەدى.»;
14-تارماقتىڭ ءبىرىنشى جانە ەكىنشى بولىكتەرى مىناداي رەداكتسيادا جازىلسىن:
«14. قازاقستان رەسپۋبليكاسىنىڭ شەتەلدەگى مەكەمەلەرىنە جۇمىسقا جىبەرىلگەن ديپلوماتيالىق قىزمەت پەرسونالىنىڭ جالاقىسى قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن كۇنىنەن باستاپ (قىزمەتكە تاعايىندالعان كۇنى) ديپلوماتيالىق قىزمەت پەرسونالىنىڭ ءىسساپاردان مينيسترلىككە قايتارىلعان نە سىرتقى روتاتسيا شەڭبەرىندە باسقا شەتەلدەگى مەكەمەگە اۋىسقان كەزدە بولۋ مەملەكەتىنىڭ مەملەكەتتىك شەكاراسىن كەسىپ ءوتۋ كۇنىنىڭ الدىڭعى كۇنىنە دەيىن (قىزمەتتەن بوساتىلعان كۇن) تولەنەدى جانە بەلگىلەنگەن اقشالاي ۇستەمەاقىنى ەسكەرە وتىرىپ, ۇلتتىق ۆاليۋتاداعى لاۋازىمدىق جالاقىسى مەن شەتەلدىك ۆاليۋتاداعى لاۋازىمدىق جالاقىسى نەگىزىندە بەلگىلەنەدى. ديپلوماتيالىق قىزمەت پەرسونالى ءىسساپاردان مينيسترلىككە قايتارىلعان نە سىرتقى روتاتسيا شەڭبەرىندە باسقا شەتەلدەگى مەكەمەگە اۋىسقان كەزدە بولۋ مەملەكەتىنىڭ مەملەكەتتىك شەكاراسىن كەسىپ ءوتۋ كۇنىنە جالاقى تولەنبەيدى.
قازاقستان رەسپۋبليكاسىنىڭ شەتەلدەگى مەكەمەلەرىنە جۇمىسقا جىبەرىلگەن ديپلوماتيالىق قىزمەت پەرسونالىنىڭ ۇلتتىق ۆاليۋتاداعى لاۋازىمدىق جالاقىسى مينيسترلىكتىڭ ورتالىق اپپاراتى قىزمەتكەرلەرىنىڭ تەڭەستىرىلگەن قىزمەتتەرى بويىنشا جالاقىسىنىڭ 25 پايىزى مولشەرىندە بەلگىلەنگەن اقشالاي تولەمدەرىمەن بەلگىلەنەدى.»;
21-تارماقتىڭ ەكىنشى بولىگى مىناداي رەداكتسيادا جازىلسىن:
«جىل سايىنعى اقى تولەنەتىن كەزەكتى ەڭبەك دەمالىسىنا شىققان كەزدە شەتەلدە جۇمىس ىستەيتىن ديپلوماتيالىق قىزمەت پەرسونالىنا كۇنتىزبەلىك جىلدا ءبىر رەت مينيسترلىكتە يەلەنگەن سوڭعى قىزمەتى بويىنشا لاۋازىمدىق جالاقىسىنىڭ ەكى ەسەلەنگەن مولشەرىندە ساۋىقتىرۋ جاردەماقىسى تولەنەدى. ەگەر ديپلوماتيالىق قىزمەت پەرسونالى شەتەلدە جۇمىس ىستەۋ الدىندا مينيسترلىكتە قىزمەت اتقارماسا, وعان ساۋىقتىرۋعا ارنالعان جاردەماقى مينيسترلىكتىڭ ورتالىق اپپاراتىنداعى پەرسونالدىڭ قىزمەتىنە تەڭەستىرىلگەن قىزمەت بويىنشا لاۋازىمدىق جالاقى نەگىزگە الىنىپ ەسەپتەلەدى.»;
22-تارماقتىڭ ءبىرىنشى بولىگى مىناداي رەداكتسيادا جازىلسىن:
«22. جىل سايىنعى اقى تولەنەتىن ەڭبەك دەمالىسىن وتكىزۋ ءۇشىن قازاقستان رەسپۋبليكاسىنا جول جۇرگەن كەزدە ديپلوماتيالىق قىزمەت پەرسونالىنا جانە ونىڭ وتباسى مۇشەلەرىنە شەتەلدەگى جۇمىس ورنىنان قازاقستان رەسپۋبليكاسىنىڭ اۋماعىنداعى العاشقى مەجەلەنگەن پۋنكتكە دەيىنگى جولاقىسىنىڭ قۇنى جانە قازاقستان رەسپۋبليكاسىنىڭ اۋماعىنداعى سوڭعى جونەلتۋ پۋنكتىنەن شەتەلدەگى جۇمىس ورنىنا دەيىن كەرى قايتۋ جولاقىسىنىڭ قۇنى, جولجۇگىن تاسىمالداۋ جانە تۇرعىن ءۇي-جايدى جالعا الۋ بويىنشا شىعىستاردى قوسپاعاندا, وسى شارتتاردىڭ 4-تارماعىندا بەلگىلەنگەن نورمالار بويىنشا كۇنتىزبەلىك جىلدا ءبىر رەت تولەنەدى.»;
23-تارماق مىناداي رەداكتسيادا جازىلسىن:
«23. ديپلوماتيالىق قىزمەت پەرسونالى قازاقستان رەسپۋبليكاسىنىڭ شەتەلدەگى مەكەمەسىنە جۇمىسقا جىبەرىلگەن كەزدە نە ديپلوماتيالىق قىزمەت پەرسونالى سىرتقى روتاتسيا شەڭبەرىندە شەتەلدەن مينيسترلىككە جۇمىسقا قايتىپ ورالعان كەزدە جاڭا جۇمىس ورنى بويىنشا جىل سايىنعى اقى تولەنەتىن ەڭبەك دەمالىسى الدىڭعى جۇمىس ورنىندا جۇمىس جاساعان ۋاقىتى مەن پايدالانىلعان ەڭبەك دەمالىسىنىڭ ۇزاقتىعى ەسكەرىلىپ بەرىلەدى.
ديپلوماتيالىق قىزمەت پەرسونالى روتاتسيا پروتسەسىنەن تىس جاعدايدا قىزمەتتەن بوساتىلعان كەزدە وعان پايدالانىلماعان جىل سايىنعى اقىسى تولەنەتىن ەڭبەك دەمالىسى ءۇشىن وتەماقى تولەمى تولەنەدى.»;
26-تارماق مىناداي مازمۇنداعى ەكىنشى بولىكپەن تولىقتىرىلسىن:
«ديپلوماتيالىق قىزمەت پەرسونالىن قازاقستان رەسپۋبليكاسىنىڭ شەتەلدەگى مەكەمەسىنە قازاقستان رەسپۋبليكاسىنىڭ باسقا شەتەلدەگى مەكەمەسىنەن جۇمىسقا جىبەرگەن كەزدە الدىڭعى شەتەلدەگى مەكەمەدە جۇمىس جاساعان مەرزىمىنە قاراماستان ءبىر جولعى جاردەماقى قايتادان تولەنبەيدى.»;
28-تارماق مىناداي رەداكتسيادا جازىلسىن:
«28. «نەكە (ەرلى-زايىپتىلىق) جانە وتباسى تۋرالى» قازاقستان رەسپۋبليكاسىنىڭ كودەكسىنە سايكەس ايقىندالاتىن وتباسىنىڭ ءبىر مۇشەسى قايتىس بولعان جاعدايدا, ديپلوماتيالىق قىزمەت پەرسونالىنا مينيسترلىكتىڭ قاراجاتى ەسەبىنەن قازاقستان رەسپۋبليكاسىنىڭ زاڭناماسىندا ايقىندالعان مولشەردە ءبىر جولعى اقشالاي جاردەماقى, سونداي-اق وسى شارتتاردىڭ
32-تارماعىندا بەلگىلەنگەن تارتىپپەن بارار جانە قايتار جولعا كولىكتىك شىعىستاردىڭ تولەمى ۇلتتىق ۆاليۋتادا تولەنەدى.»;
32-تارماق مىناداي مازمۇنداعى ەكىنشى بولىكپەن تولىقتىرىلسىن:
«شەتەلدە جۇمىس ىستەگەن كەزەڭدە ديپلوماتيالىق قىزمەت پەرسونالى مەن ولاردىڭ وتباسى مۇشەلەرىن مەديتسينالىق قامسىزداندىرۋ شىعىستارى قازاقستان رەسپۋبليكاسىنىڭ ۇكىمەتى بەكىتكەن كەپىلدەندىرىلگەن تەگىن مەديتسينالىق كومەك كولەمىنىڭ تىزبەسىنە سايكەس مينيسترلىك قازاقستان رەسپۋبليكاسىنىڭ ءاربىر شەتەلدەگى مەكەمەسى ءۇشىن بەلگىلەگەن شىعىستار ءليميتىنىڭ شەكتەرىندە مەديتسينالىق ساقتاندىرۋ, بولۋ ەلىندەگى مەديتسينالىق مەكەمەلەرىمەن شارتتار جاساسۋ نە مەديتسينالىق كومەك ءۇشىن ناقتى ءوتىنىش جاساۋ جولىمەن جۇزەگە اسىرىلادى.
مەديتسينالىق قامسىزداندىرۋ شىعىستارى بەلگىلەنگەن نورمالاردان اسىپ كەتكەن جاعدايدا ولار ديپلوماتيالىق قىزمەت پەرسونالىنىڭ جەكە قاراجاتى ەسەبىنەن وتەلۋگە ءتيىس.»;
مىناداي مازمۇنداعى 32-1-تارماقپەن تولىقتىرىلسىن:
«32-1. شەتەلدە جۇمىس ىستەگەن كەزەڭدە ديپلوماتيالىق قىزمەت پەرسونالىنىڭ بالالارىنا مەكتەپكە دەيىنگى تاربيە بەرۋ جانە ولاردى وقىتۋ, باستاۋىش, نەگىزگى ورتا جانە جالپى ورتا ءبىلىم بەرۋ شىعىستارى مينيسترلىك قازاقستان رەسپۋبليكاسىنىڭ ءاربىر شەتەلدەگى مەكەمەسى ءۇشىن بەلگىلەگەن شىعىستار ءليميتىنىڭ شەكتەرىندە جۇزەگە اسىرىلادى.
مەكتەپكە دەيىنگى تاربيە بەرۋ جانە ولاردى وقىتۋ, باستاۋىش, نەگىزگى ورتا جانە جالپى ورتا ءبىلىم بەرۋ شىعىستارى بەلگىلەنگەن نورمالاردان اسىپ كەتكەن جاعدايدا ولار ديپلوماتيالىق قىزمەت پەرسونالىنىڭ جەكە قاراجاتى ەسەبىنەن وتەلۋگە ءتيىس.»;
34-تارماقتىڭ ءۇشىنشى بولىگى مىناداي رەداكتسيادا جازىلسىن:
«شەت مەملەكەتتىڭ اۋماعى بويىنشا جول جۇرگەن ۋاقىتىندا ديپلوماتيالىق قىزمەت پەرسونالىنا قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىندە ءتيىستى مەملەكەتكە قىزمەتتىك ءىسساپارلار ءۇشىن بەلگىلەنگەن نورمالار بويىنشا تولقۇجاتتاعى مەملەكەتتىك شەكارادان ءوتۋ جونىندەگى ءمورتاباندار نەگىزىندە نەمەسە ءبىر شەت مەملەكەتى شەڭبەرىندەگى ءىسساپارلار كەزىندە نەمەسە مەملەكەتتىك شەكارادا تولقۇجاتتىق باقىلاۋ بولماعان جاعدايدا, قازاقستان رەسپۋبليكاسىنىڭ شەتەلدەگى مەكەمە باسشىسىنىڭ بۇيرىعى نەگىزىندە تاۋلىكاقى, سونداي-اق ءتۇرۋ شىعىستارىن راستايتىن قۇجاتتار نەگىزىندە تۇرعىن ءۇي-جايدى جالعا الۋ بويىنشا شىعىستار شەتەلدىك ۆاليۋتادا وتەلەدى.»;
35-تارماق مىناداي مازمۇنداعى ەكىنشى بولىكپەن تولىقتىرىلسىن: «قازاقستان رەسپۋبليكاسىنىڭ شەتەلدەگى مەكەمەلەرىنىڭ پەرسونالى
قازاقستان رەسپۋبليكاسىنىڭ شەتەلدەگى مەكەمەلەرى جوق شەت مەملەكەتتەرگە, سونداي-اق بولۋ مەملەكەتىنىڭ شەڭبەرىندە ىسساپارعا جىبەرىلگەن كەزدە اۆتوكولىكتى جالداۋعا جۇمسالعان (قابىلداۋشى تاراپ اۆتوكولىك ۇسىنعان جاعدايدى قوسپاعاندا) جانە بايلانىس شىعىستارىن وتەۋ رۇقسات ەتىلەدى.»;
40-تارماقتىڭ ەكىنشى بولىگى مىناداي رەداكتسيادا جازىلسىن:
«ەسەپ ايىرىسۋ اتتەستاتىندا ديپلوماتيالىق قىزمەت پەرسونالىنىڭ لاۋازىمى, بىرگە باراتىن وتباسى مۇشەلەرىنىڭ قۇرامى, تولەماقى نورمالارى, باعىتتارى, ديپلوماتيالىق قىزمەت پەرسونالىنىڭ مەجەلى جانە باراتىن ورنى, ونىڭ الاتىن بارلىق اقشالاي تولەمدەرى كورسەتىلەدى.».
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.